Poesia kaiera
Poesia kaiera
2001, poesia
64 orrialde
84-95511-21-5
Bitoriano Gandiaga
1928, Mendata
2001, Arantzazu
 
 

Mendira ditu eraman

—zerk?—, pozez bete, gazteak.

Mendira ditu eraman.

Bejon begie aizeak.

 

Aldapan gorantz, Urbia-raino.

Bejon begie aizeak.

Mendira ditu eraman.

Lillura-giro aideak.

 

Aien algara pagadi-bidez,

aien ustezko usteak!

Ai, amesetak iraun begie,

bejon begie aizeak.

 

Mendi ganean, bideak, beerantz.

Mendian beera gazteak.

Zerk mendi goien ganetik gorantz,

zerk eten zitun bideak?

 

Ai, amesetak iraun begie,

bejon begie aizeak.

Aldatz-beerako pagadi-bidez,

beera ta beera gazteak.

 

Erroitegi-ko arkaitz leioan

kua ta kua beleak.

Gazteak azken-pagora dira.

Begie lagun usteak.

 

w1963