• Hitzaurrea
  Kandela
• Gison oker baten kulpiagatik
• IRUDIMENA, BECQUER-i
  • Aitor egin dezadan
  • Ai ene! Adolfo
  • Castaren malura
  • Castaren meditazionea
  • Zeinen era ilunez
• OIHARTZUNAREN AGINDUA,
  HIRUR ZATITAN BEREIZIA ETA BANATUA
  • Edozein deusez
  • Maiteri ubela
  • Ametsen enbatak sortu nau
  • Hil zeinuak
  • Hemen iragan da ene izatea
• Bigarren zatia eta jarraipena
  ALGOR MORTIS
  • Zerraldo baltza besa besaka daramate
• Hirugarren zatia eta jarraipena
  RIGOR MORTIS
  • Jaun andre, irakurle maiteok
  • Ingura zakizkidate erditu berriok
  • Maitasun eta gorrotoen apunte nahasiak
  • Miazle egarritsuenari
  • Ilargia ere haserretzen da nirekin
  • Ahantzi eginen zaitut
  • Eta zu
  • Ez dut gehiago idatziren
  • Egun, xuriz jantzi naiz
  • Heautontimoroumenos
  • Eta nehork ez zuen ikusi
  • Zu, 3'5 gramoren
  • Laket zait, eta gura dut
  • Itsasoetako gezalak
  • "Amour en latín fait amore"
  • Heriotz isila
  • Amaia

 

 

Zerraldo baltza besa besaka daramate,

gero nik

gero zuk

hark orain.

Oro da kaltearen beldur.

        HILAK—(«Honera zaitezte, arren»).

Eskari eta otoitzen gaindi,

erostarien zantzu merkeak jabe.

Bapatean, nausiaren itauna

orroa estaliz:

            «Badazagua nihork»?

Hil kanpaiak, ikaraz,

ixil gogorrean geratu dira.

            «Ezagutzen al du inork»?

Eta ezetza eman diote.

            «Ez al da daki inork nor dugun»?

            «Nor den?»

Eta ezetza eman diote.

            «Orduan, bakarrik al dago»?

Eta baieztatu egin dute buruaz.

            «Zer eginen dugu»?

Eta soinak goratu dituzte.

            «Ehortzi eginen dugua»?

Eta, BAI, BAI, EHORTZI, EHORTZI...

oihukatu du herriak.

Ahotsak berriz:

            «Bete, bada, zuen nahia».

        HILAK—(arnasestuka)

                    «Honera zaitezte, arren.

                      Zatozkidate, etorri».

 

 

 

© Jon Iñaki Lasa

 

www.susa-literatura.eus