TINTAZKOAGOA

Tintazkoa naiz,

hezur-haragizkoa ere bai.

Baina tintazkoagoa.

Ez dakit haragiari

negar egiten uzten.

Ez dakit haragiari

hezurrekin eusten.

Malkoen gaziak

hezurrak zulatu zizkidan.

Malkoen beltzak

haragiak marraztuko dizkit.

Tintazkoagoa naiz.

Ur gazia baino, nahiago dut

tinta isuri

begi bietatik.

Gozagarriagoa zait

masaileko errekastoen

marrazkiak ikustea.

Koadro abstraktu bat nahi du nire logelako paretak.