ALBISTEAK-1

goizeko zortzietarako hamar minutu falta direla

esan du esatariak

goiz bustia dugula gero

"gaixotasun luze baten ondorioz

bart zendu da Karmele Igartua poeta"

goizeko zortzietarako hamar minutu

"olatuen kapritxora

ito arte

bizi ahaleginetan"

irakurri nion azkenengoz

goizeko zortziak akorduaren ezpalean

eta langarrak gure bihotzak busti ditu

tenoreak ez du inoiz

nahi dugun ordua ekarriko

hamar gutxi beti saminaren dialean