LIZUNA ETA ZITALA

Lizuna eta zitala naiz:

badakit gizonek asetzen ez dakiten hori elikatzen;

badakit gizonek elikatzen ez dakiten hori asetzen.

Ederki ezagutzen ditut emakumeen gogoak:

nireak bezalakoak baitira, ispiluaren bertze aldean.

Zuek, ordea, temati erraten duzue

lizuna eta zitala naizela.

Jaungoikoak ezpal berekoak egin gintuen arren:

zakil oro bezain inperfektu,

lili oro bezain eder.

Ni naiz edo zuen begirada?