SALMO POLONIARRA

Zeinen amets iragazkorrak diren gizakien estatuak!

Zeinen geruza iragazkorrak diren gizakien estatuak!

Zenbat hodei eta txori hegaldatzen dira gainetik

            zigorrik jaso gabe?

Zenbat harea ez dugu garraiatzen herri batetik bertzera

            bideko hautsarekin batean?

Zenbat xinaurri pasatzen dira aduaneroaren hanka-artetik

            egunero, minuturo kasik?

Zeinen geruza iragankorrak diren gizakien estatuak!

Zeinen amets iragankorrak diren gizakien estatuak!

Gizatasunak bakarrik daki atzerritarra izaten.

Gainerakoa:

oihan ñabarrak,

lurrean egindako sator-lanak

eta haizea.