Zamaontzi handia

Kargatu dute udako zamaontzi handia,

prest dago portuan eguzkiontzia,

zure atzean kaioak murgildu eta deiadar egitean.

Kargatu dute udako zamaontzi handia.

Prest dago portuan eguzkiontzia,

eta brankako irudiaren ezpainetan,

ahalkegabe ageri da lemurren irria.

Prest dago portuan eguzkiontzia.

Zure atzean kaioak murgildu eta deiadar egitean,

hondoratzeko agindua iritsi da mendebaldetik;

baina begiak zabalik itoko zara eguratsean,

zure atzean kaioak murgildu eta deiadar egitean.