Poema antologia
Poema antologia
W.H. Auden
itzulpena: Juanjo Olasagarre
1994, poesia
170 orrialde
84-86766-55-9
W.H. Auden
1907-1973
 
 

 

GURE GURASO EHIZTARIAK

 

Gure guraso ehiztariek kontatzen zuten

    Kreaturen tristurari buruzkoa,

Beren karantza akituetan ikus zitezkeen

    Mugez eta gabeziaz errukiturik;

Ikusi zuten lehoiaren begirada intolerantean,

    Harrapakinaren so hilurrenaren gibelean,

Maitasuna amorratzen arrazoiaren dohaiak

    Erants dieziokeen loria pertsonalez

Apeta eta botere liberalez,

    Jainko baten zuzentasunez.

 

Nork, tradizio fin horretaz elikaturik,

    Aurresango zukeen emaitza,

Naturak hogenaren bide bihurritan barna

    Agindutako Maitasuna eraman ondoren,

Giza loturek alda zezaketela horrela

    Bere keinu hegoaldekoa

Eta bere anbizio helduaren xede bilakatu

    Gure pentsamenduak baizik ez pentsatzea,

Gose izatea, ilegalki lan egitea,

    Anonimo izatea?