Keinu konplizeak
Keinu konplizeak
2018, poesia
88 orrialde
978-84-17051-12-9
azaleko irudia: Kepa Gonzalez
egilearen argazkia: Dani Blanco
Karlos Cid Abasolo
1963, Madril
 
 

 

BALDINTZAPEKO PROMESA

 

 

Sartu zara Euskal Herriko liburu-denda honetan,

abiatu zara euskal poesiaren sailera,

asmo hori buruan

zeharkatu behar izan duzu lokal osoa,

bukaeraraino,

azken zokondoraino,

eta han

Harri eta Herri

eta tropelekoak

hautsa pilatzen dauden apalategiko

azken-azken apaletik

liburu hau hartu, zabaldu

eta poema honekin egin duzu topo,

zeinean aitor dizudan

maite zaitudala,

zuregatik emaztea eta alaba uzteko prest nengokeela

baldin eta egingo bazenu

poema liburu hau erosteko

keinu heroikoa.