Keinu konplizeak
Keinu konplizeak
2018, poesia
88 orrialde
978-84-17051-12-9
azaleko irudia: Kepa Gonzalez
egilearen argazkia: Dani Blanco
Karlos Cid Abasolo
1963, Madril
 
 

 

TIPEXAREN ONURAK

 

 

Poeta sartu da

Madrilgo zaharkin denda batera,

non, urte batzuk lehenago,

Borja Aginagaldek

Perez de Lazarragaren eskuizkribua aurkitu baitzuen

euskaldunon harridura eta pozerako.

 

Poetak paper zaharrak arakatu eta

hara non,

ustekabean

agertu zaion euskaraz idatzitako beste eskuizkribu bat,

Sardinçarrac izenburua duena,

Cide Hamete Benengeli izeneko norbaitek izenpetua.

 

Isil-gordean

eskuizkribua poltsikoratu

eta etxera eraman du.

 

Mahaira eseririk,

arretaz ezabatu ditu,

tipex magikoari esker,

Hamete eta Benengeli hitzak

eta bai lehenengo berbaren azken letra ere.

 

Eta eskuizkribua tartekatu 

mahai gaineko orri ugarien artean.