Parisen bizi naiz
Parisen bizi naiz
2013, poesia
144 orrialde
978-84-92468-48-5
azala: Kepa Gonzalez
Koldo Izagirre
1953, Altza-Antxo
 
2016, narrazioak
2015, nobela
2011, nobela
2010, saiakera
2009, nobela
2006, poesia
2006, kantuak
2005, narrazioak
1998, nobela
1998, kronika
1997, poesia
1996, erreportaia
1995, kronika
1989, poesia
1987, ipuinak
 

 

60

 

zenbat hodei

hirutan hogei

uste

uste bete

eta loti

maitasunezko hitz haiek

torturatzaileari itzultzen

lotsarik ez

nik atea jo baino lehen

azaldu zinen oin hutsik

 

zenbat hodei

hirutan hogei

uzte

uzte moko

eta ezti

lagunak anbulantzian

maitaketan etenda

urdaila uzkur

irakurri dudan albistea

bestek edanen duen ardo hori

 

zenbat hodei

hirutan hogei

huste

huste neke

eta lore

azken argi tantaraino

zakur zoroen antzera

hitz baten eske

lagunaren errautsa eskuan

koldarra izan ez nintzen gau bat

 

zenbat hodei

hirutan hogei

urte

urte gezur

eta eki

eztabaida utzi ez jalgi ez

antzaren hegada han goian

guri deika

disko berdinak entzunda

elkar ez ulertzeko geunden

 

zenbat hodei

hirutan hogei

hodei

hodei baldar

eta ogi

hala moduzko ekaitz honetan

maitasunak zikinduaren

errai garbia

urak handitu egin dira badakit

helduko zarela on hutsik