MAGGIE

Bera dela nire bizioa

diost Maggiek

irribarre harro batez,

ezin dudala bera barik bizi.

Baina... —hasi naiz esaten,

eta Maggiek

sugeen abiadura goxoaz

musukatu egin ditu nire ezpainak,

eta suabe haginka egin ostean

luze laztandu dizkit bere mihiaz,

arnas epel-epela

ezin hurbilago

igartzen diodan bitartean.

Eta egia da.

Maggie,

adatsak laru

begiak zeru,

nire bizioa da.