Bilbo dub kronikak
Bilbo dub kronikak
2004, poesia
88 orrialde
84-95511-65-7
azala: Paddy Rekalde
Paddy Rekalde
1964, Deustua
 
2011, poesia
2006, nobela
 

 

KONTAINER ONDOAN

 

Kotxeak agudo doaz

San Franciscoko aldapan behera,

eta bikoteak eta autobusak eta motor zaratatsuak,

eta magrebiarrak eta beltzak hara eta hona,

eta ijitoak eta prostitutak izkinetan.

 

Kontainer baten kontra jonki bat,

eskuak txandaleko poltsikoetan sartuta,

begiak erdi bilduta, hankak tolestuta,

eta ez dakit benetan, momentu batetik bestera

kontainer azpiko asfaltora jausiko ote den.

Agian belauniko jarri nahi du,

belauniko, otoitzean bezala,

eta, begirada asfaltotik jaso ezin badu ere,

badirudi

bere infernu propio hori amaitzeko

eskatu nahi diola zeruari,

teilatu artean ikusten den zeru mugatu urrinari

 

Baina zerua hutsik dago,

eta hegan dabiltzan kaioak

putreak baino ez dira.