GOIZALDEKO PORNOA

Taberna gainezka dago,

goizaldeko seiak badira ere.

Kea, kafea eta pattarrak

labe garaietan lana

amaitu duten langileentzat

eta hasiko direnentzat.

Edadetuak eta gazteak,

eguneroko lan puta hori arindu nahian,

bideo porno batek

ke-lainoaren arteko telebistatik

giro ilun honetan

kolore apur bat

ematen duen bitartean...

eta bero apur bat.

Kanpoan hotza,

zeruaren beltza ukitu nahi duten

tximinia erraldoien su ikaragarria

eta itsasadarraren marea,

batzuetan gora eta

besteetan behera,

telebistako zakil langileen moduan.