Miñan
Miñan
2019, nobela
152 orrialde
978-84-17051-34-1
Azala eta mapak: Yanaita Araguas
Amets Arzallus Antia
1983, Hendaia
 
 

 

 

 

Miñan,

nire bizitza kontatuko dizut

 

 

 

 

 

 

 

                              liburu hau Ibrahima Baldek idatzi du, ahoz

                                    eta Amets Arzallus Antiak idatzi du, eskuz

 

 

 

 

 

Mila esker, etxeko eta adiskide, bidean lagundu diguten guztiei.

 

 

 

 

 

 

 

 

 

Idazten ikasteko ez nuen denborarik izan. Esaten badidazu Aminata, badakit A-rekin hasten dela, eta esaten badidazu Mamadou, pentsatzen dut M batetik abiatzen dela. Baina ez eskatu esaldi oso bat lotzeko, hasi orduko korapilatuko naiz. Aldiz, ekarri erreminta bat, adibidez kamioiak konpontzeko giltza bat, eta utzi mahai honen gainean. Nik berehala esango dizut, “hau hamahirua, edo, hau hamalaua”. Mahai guztia giltzez bete eta begiak estaltzen badizkidazu ere, eskuan sentitu orduko esango dizut, “hau zortzia da”.