Itsaso aurrean
Itsaso aurrean
2006, bilduma
160 orrialde
84-95511-83-5
Bingen Ametzaga
1901, Algorta
1969, Caracas
 
 

 

Begoñaren jaiotzean

 

Lasaitasunean ez haut ekarri,

ene Begoñatxu, alaba kutun.

Laztan emoteko amama da urrun

eta amatxu ta aita bihotzak larri.

 

Egun huts batez haugu jaio barri

eta gudaren zama hara non dugun;

lur-azpi bidera, gau eta egun,

garama alarmotsak deituaz sarri.

 

Hemen jaiota, Parisko txolarre,

bat-batera haiz gudaren kumea.

Alabaina eginez gogoz barre,

 

alaitu hire ama, zeru-lorea,

izena dokana Begoña Bake

uxu-egin gugandik nahigabea.

 

        Paris, 1939ko irailak 2