Itsaso aurrean
Itsaso aurrean
2006, bilduma
160 orrialde
84-95511-83-5
Bingen Ametzaga
1901, Algorta
1969, Caracas
 
 

 

Lagun onari

 

Ez neban nik oraindik uste

heriotza jatortzula.

Bai, ordez, neban luzarorako

zeunkala zure bizitza.

 

Baina ez gara gogoaren duin

eta ez bizitzarena,

Goian dagola jakin behar da

Jaungoiko guztiz ahalduna.

 

Zuk zendun Bera zure bihotzan,

Berak orain zu zeruan;

hau jakitean zorion gara

zure lagunak lurrean.

 

Mesede baino ez zendun egin,

zeure biziko urteetan,

horregatikan hartu zaitu zu

Jaunak bere besoetan.

 

Otoi egin, ba, gure alde ta

jarrai mesede egintzan,

zoriontsuak izan gaitezen

Euzkadi gure aberrian.

 

        Paris, 1938