hitz bezatuak berba maiztuak

kontzeptu higatuak termino narriatuak

maite ez gaituztenen ahotan

berezko esanahia galdu dutelakoan

desagerrarazi ditugu

gure testuetatik

ez ditugu ahoskatu nahi

inork inposatutako maneran

baina kantatu beharko diegu

agerian ez bada ere

iradokiz bada ere

askatasunari injustiziari

gerrari pobreari bortxatuari

presoari jazarriari

etxetik urrunarazi dutenari

idatzi beharko diogu

sortzez merezi duten egiari