ESAN

Aditu dut

kezko ilargian bizi zarela

eta gurmazko iraultzen errautsak

gordetzen dituzula beso artean.

Berdin dit

zer hormak isolatzen zaituen

eta zer ilargitan itoko zaren

marea igotzen denean.

Ez dit axola

zer ziegatan egiten duzun amets.

Nik entzun egin nahi zaitut,

hori besterik ez.

Esan,

esan behin eta berriz,

gorren belarriek eztanda egin arte,

bihar etorriko zarela.

Esan,

esan berriro,

bihar itzuliko zarela

sagarrondora joateko.

Esan,

Bihar batuko garela

giltzez itxiko ez den etxean.