Hodeiak zapatetan
Hodeiak zapatetan
2014, poesia
80 orrialde
978-84-92468-56-0
azala: Gari Berasaluze
Mikel Etxaburu
1969, Ondarroa
 
 

 

ORAINDIK

 

Amets bakoitzean itxaroten zaitut oraindik,

ezpainetan geratutako tanta bakartietan,

ahoan hondoratu zaizkidan begietan.

Konturatu zara?, marinelaren maitasuna da gurea:

musu eman eta urrun joaten dena,

azken olatuaren antzekoa,

zer harea laztanduko duen aukeratu ezin duena.

Amets bakoitzean itxaroten zaitut oraindik,

hareak olatuari tanta gazi bat ostuko dion esperantzaz.

Itxaroten zaitut oraindik gure begietako itsasoetan.