Hodeiak zapatetan
Hodeiak zapatetan
2014, poesia
80 orrialde
978-84-92468-56-0
azala: Gari Berasaluze
Mikel Etxaburu
1969, Ondarroa
 
 

 

GORDE DUT

 

Udazken usaina zeukan

zure ileak.

 

Betileetan gordetzen zenituen

hosto erorien balantzak

eta

hondartzara iritsi nahi zuten

naufragioen hondakinak.

 

Udazken usaina zeukan

zure ileak.

 

Bularretan babesten zenituen

zuhaitz biluziaren ametsak

eta

zutitu nahi zukeen

azken naufragoaren abestiak.

 

Udazken usaina zeukan

zure ileak.

 

Eta zure ordez

kristalezko ontzian

gorde dut

naufragoaren argazki bustia.