Hodeiak zapatetan
Hodeiak zapatetan
2014, poesia
80 orrialde
978-84-92468-56-0
azala: Gari Berasaluze
Mikel Etxaburu
1969, Ondarroa
 
 

 

HOTZEZ JANTZITA

 

Hotzez jantzita

nire barruko desertuetara

abiatu naiz ur bila.

 

Lurrera erori diren hodeiak

sartu zaizkit zapatetan.

Harkaitz-zuloa estaltzen duen hondarkia

gorde dut galtzerdietan.

 

Zapatak beti itzultzen dira etxeko sukaldera.

 

Hotzez jantzita

zure begietara

abiatu naiz arnas bila.

 

Narrasean igarotako muinoak

gogoratuko al ditut luzaroan?

Bidean ito ditudan ametsok

gordeko ote dituzu begietan?

 

Lainoek zure oskoletik edaten dute.

 

Hodeiak zapatetan

hondarra azalean

noizbait itzuliko naiz

zure itsasbazterrera.