Sinplistak
Sinplistak
2012, poesia
120 orrialde
978-84-92468-42-3
azala: Alain Urrutia
Hedoi Etxarte
1986, Iruņea
 
2021, poesia
2008, poesia
 

 

KOLABORATZAILEAK

 

 

                Mitterrandek, Jon Paulo II.ak eta

                Glucksmannek borroka bera dute

                                        Guy Hocquenghem

 

                Denok pasatzen diagu gure intimitatea

                Vocentoko lagunekin, edo

                denok ez bada, ia denok

                                                Lander Garro

 

 

Historia erreportajeek saldu digute kolaboratzailea

bota beltz altuz, txano militarrez, Falangearen edo

SSen ikurrez haserre zegoela eta odolzalea zela.

Baina ez, orain badakigu kolaboak izan zirela

Falangen edo Action Françaisen militatzeko adorerik

izan ez zuten gorozki apolitikoak, zital umejaleenek

ez zutela iritzi zehatzik honen eta bestearen inguruan,

eta ez preseski azterketak sakonki eta xehetasunez

eginagatik zalantzak sortu zitzaizkielako. Ez preseski.

 

Badakigu ere oharkabean, nahigabe eman zituztela

gorri, berde, beltz eta horien izenak. Eta ez zietela

behin ere fisikoki aurre egin gorriei, gorriak nagusi

zirenean. Haiek, trenak gidatzen zituzten langile

apalak, ongarria banatzen zutenak, informazioa

eskuratzen zuten enpresari txikiak genituen. Ditugu.

 

Begiak aliketez ateratzen zituztenean, ezin ziren

behargin xumeak besterik. Kolaboak: jende arrunta,

kausa nazionalsozialistaren alde engaiatzeko

kuraiarik izan ez zuten izaki irribarretsuak,

uneoro zer egin eta zer ez egin argi aldarrikatzen

zuten profesionalak. Egun ere gorotz bera zarete:

Front National eta Partido Popular bozkatzera

ausartzen ez zareten moralista apurtzaile adoretsuak.

 

Arrunkeria bikaintasunetik ospatzen duzuen

hankabikoei dizuet izu handiena Galileoren esferan.