Bitartean heldu eskutik
Bitartean heldu eskutik
2001, poesia
104 orrialde
84-95511-48-7
azala: Ikeroker
Kirmen Uribe
1970, Ondarroa
 
2021, nobela
2019, poesia
2016, nobela
2012, nobela
 

 

ABIOIAK ZERUA URRATZEN

 

Isiltasuna eta ihintza dakarte haren begiek.

Ikusi ditu gorpuak erretenetan,

abioiak zerua urratzen,

bakardade zilborrak ereiten

sororik soro, herririk herri.

 

Ez du nora itzuli, norantz bideratu urratsa,

urtegi batek estali ditu haren oroitzapenak.

Ez dakar konturik,

nozitu egin ditu egiak, ez dute izenik.

Goxo har dezaten nahi du soilik,

beti arrotz izan, herririk herri.

 

Ez du nora itzuli, norantz bideratu urratsa,

urtegi batek estali ditu haren oroitzapenak.

Urrunera begira dabil, herririk herri.