Tren mamu errota

          Oi, gurarien kutxa

          zaharkituak ametsaren

          errotaraino baninderama!

Urrezko txirikorda kiribilduak

Kiribilduak eta esnezopa esnatuak:

          Hotzikararen bainua

          Lurrikararen lehorkia

          Orrazearen lozorroa

          Laiotzaren leize etzana

Argi gorringo txepetxak

          Limosna eske

Zerraldo zintzilikatuak

          Limonadaz beteta

Kutxen bisagra herdoilduak eta

          Barnean irribarrez

Ametsaren hozkailuan

Gogorturiko gonak

Jira eta jira

Jira eta bira

Leihatiletatik haize hotza:

                      Mamu errotan

                      Marmita erotuak

Liparrezko tren mamuaren

Irrifarrezko leihatila itxiezinetan

Haizezko zaplada beltzen metrailadorea:

                      Noraezaren bonbardatze isilean

                      Lainozko bonboiak miazkatuz

w1989