OTSO GAIZTOA

Otso zintzoa den berbera,

zintzo izan aurretik edo doi bat berantago.

Edota haize zakarrarekin.

Edota atzaparra zepoan, noski.

Zilarrezko bala bat balu azalpean taupaka, berdin.

Bizirauten du errudun bila,

bere arrazoiak lagaz

matrailezurraren arrazoien menerat.

Otso gaiztoak onetik duena:

zango-letaginetan itsu fedea.

Inoren izua usnatzean,

poliki-poliki zeharkatzen du,

pasarela bat legez.

Dotoreziak salbatuko duelakoan dago:

ez du salbatuko, baina hari esker da

indartsuago.