OTSO ZINTZOA

Ez duena jaten beste otso zintzo bat.

Hasteko eta behin, hura bereizteko gai dena.

Begiak garden, laku izoztuan barna zoazela,

soa iltzatu eta iltzatzen dizuna ohartarazpena.

Letaginak ezarriko lizkizuke lepoan, baina soilik

beste erremediorik ez balu;

gero, elurrari koska berriz,

bere burua salatu edo zigortuko du.

Begia inguratzen dizu oinatzez,

eta, zalantzarik balu,

jauzi dagi, ez kanporantz,

baizik begi-ninietan barru.