Spray
Spray
2011, poesia
96 orrialde
978-84-92468-27-0
azala: Lander Garro
Paddy Rekalde
1964, Deustua
 
2006, nobela
2004, poesia
 

 

INFERNUA

 

Antzokiaren aurrealdea eder egoki apainduta dago

Hiria ospatzen ari den Beldurrezko Zinemaldirako,

eta terrorea eta izua iradokitzen dituzten irudiei begira

ilara batean sarrerak erosteko zain dago jendea

 

garrasi ilun eta urratuak adi daitezke noizbehinka,

Antzokiaren kanpo alde horretan jarritako bafleetatik

sartzeko zain daudenen bihotzak dardaraz jarri nahian,

eta, zinemaldirako aurreikusita ez bazegoen ere,

arrats ilun eta lainotsu honetan faroletako argiak

zeharo erakargarri suertatzen dira

 

eta une horretan, plano ezberdinetako filmetan bezala,

hiri bereko beste eraikin ofizial eta uniformatu batean

pistola baten kanoiak igurtzi egiten ditu, hotz eta astiro,

eskuak atzean lotuta, begiak eta ahoa zintaz estalita

eta biluzik dagoen neska baten alu ezpainak

 

ahora vas a probar una buena polla durísima, putita,

aditzen du neskak inguru ikusezin horretatik,

malkoak eta oihuak batera nahasten zaizkion bitartean,

una polla que nunca olvidarás