MENDEKUA

elurra ezagutu ez duen teilatua

izarrek greba egin duten gaua

arbela beltza dela

umearen aurrean!

        —ireki begiak!

arbela beltza dela

umearen aurrean!

ezkutatzeko balio ez duen leizea

biderik gabeko makadam puska

        —hartu klariona!

tximista berde bat

atzo

osabaneko bide bazterrean

        —ez dakizu?

ispilu itsua

umearen aurrean

hor ezin ditu ikusi

bere hatzak botoien gainean

muskerra zen

osabaneko bide bazterrean!

        alderik alde

muskerra da

arbelaren hutsean...

        —etorri hona!

muskerra

arbelaren hutsean

        alderik alde

tximista berde

ilunpeko botoiak sakatzen

do

                re                fa

                                                            la

lau-pataka

do

                fa                la

                                                            re

tximista berde

maisuak aditzen ez duen

porrusalda

        zure hipotenusa

        eta Napoleon!

        nik ere ikasiko dut

        nik ere ikasiko dut

        jotzen!

                              egon

                              egon...!

    2004