Bataio-agiria

Jaiotza-eguna, bataio-eguna.

Giltza emandako pendulu-erlojua,

atea eror ez dadin

giltzaz itxitako armairua.

Ezkon-ohea, erlijio

utrakista, ardoa udazkeneko ekaitzetan

ozpin ez dadin. Kapilau beltza zozoa bezain,

isipua, abendu-meza.

Hiru kilo hogei,

azal gorrizta, ikterizia apur bat duena,

ile alferra. Eta orroa.

Bi milioi eta bostehun urteko adina.

Zahartzaroan baino ez dugu

ehun gutxi batzuetara murriztuko,

gure zelulek ez dute-eta

gehiagotarako ematen.