Poesia kaiera
Poesia kaiera
2002, poesia
64 orrialde
84-95511-39-8
Juanjo Olasagarre
1963, Arbizu
 
2017, nobela
2004, nobela
2000, poesia
1998, kronika
1996, poesia
1991, poesia
 

Joxemiel Erreparatzek Euskal Herriaz

 

Euskal herria 1

Diozu:

Nola iraun du kultura honek

honenbeste urte bizirik?

 

Erraza:

gure buruen etnografoak gara

ezinbestean

 

Euskal herria 2

Diozu:

Nola iraun du kultura honek

honenbeste urte bizirik?

 

Erraza:

bidaiari ingeles erromantikoak baino

ez gara gurean

 

Euskal herria 3

Diozu:

Zertan ari zarete orain?

 

Erraza:

Bilboko txoriak

eta Orira nahi

 

Euskal herria 4

Atzerri, atzerri

aberri, otserri.

 

Euskal herria 5

Diozu:

Nola iraun du kultura honek

honenbeste urte bizirik?

 

Erraza:

balizkoa balizkoan beti

 

Euskal herria 6

Euskal Herria zoin den zoroa

mundu guztiak badaki

Nik aberriño bat izaki

eta beste batek eramaki

Izorraki!

 

Euskal herria 7

Leku guztiak dira

ezinezko urrutikoak

urruti ezagunak

erre

 

Euskal herria 8

Euskalduna naiz eta

maite dut

errezesiboa delakoz

 

w1996