Poesia kaiera
Poesia kaiera
2002, poesia
64 orrialde
84-95511-39-8
Juanjo Olasagarre
1963, Arbizu
 
2017, nobela
2004, nobela
2000, poesia
1998, kronika
1996, poesia
1991, poesia
 

Etorri da negua dio azken euskaldun aratzak

baserria herria elurra hotza pentsatzen du

bero beharra epelago norbaiten besoetan eta

ahitu zaizkio mistoak, agortu bere buruaren konpainia

haizeak hutsa dakar gauaren ateetan hoska

 

Ahitu zaizkio mistoak, agortu konpainia

larunbata, hotza sukaldean, otordua gertatu

ganadua gobernatu, tristeziari eutsi, pentsua eman

bizia du etsaia ez du inoiz ezagutu Joanes Artzaia

baserria hotza larunbata gaua herrian jaia

 

Argi gorriko etxea putak gin-kasak

mutil zaharrak ate joka damuak gerorako utziz

beso batzuen bila Fatima beltzarana arana

emakume ederra xarmanta ezagutu bakarra

«kondonik gabe hamar bestela bortz»

 

Leitu du kartel handia «Egiozu ihes HIES-ari»

ezezaguna zitzaiona ikasi du leitzen eri

da gaixo hilen naiz dio azken euskaldun aratzak

ez dut merezi dio bitan egindakoagatik paga

ez dut merezi isten dira aldabak

 

Unatua da eri baditu narruan ubeldurak ozkotzak

etorri da negua azkenez ganadoa gobernatu

pentsua eman tristeziari eutsi su egin

azken baserriari heldu, azken negarra ixuri

ganadoa gobernatu, azkenean, Azkenaren zai

datza azken euskaldun aratza

azkenik!

 

w1991