Poema antologia
Aurkibidea
1913
1914
1915
1916
1922
1923
Honetaz
...ri zuzenduriko eskaera mesedez, alkimista tobaritxa, bete ezazu zeuk!
1925
1926
Poesiari buruzko solasa zerga-inspektorearekin
1929
Bertso berriak igarobide sobietikoari
1930
Ahotsa betean
Bigarren sarrera (lirikoa) - Amaitugabeko zatiak (1928 - 1930)
Aurkibidea
1913
1914
1915
1916
1922
1923
Honetaz
...ri zuzenduriko eskaera mesedez, alkimista tobaritxa, bete ezazu zeuk!
1925
1926
Poesiari buruzko solasa zerga-inspektorearekin
1929
Bertso berriak igarobide sobietikoari
1930
Ahotsa betean
Bigarren sarrera (lirikoa) - Amaitugabeko zatiak (1928 - 1930)
Egizu orru
bozkarioz, Coolidge!
Nik ez diet hitzik ukatzen
ez gauza onei ez neure buruari.
Gorri zaitez
gure banderaren oihalaren antzo
nire laudorioaz
milaka United States
of
America
bazara ere.
Nola
fededun zoroa elizara
sineskor doan
nola ermitara urruntzen den
zintzo eta xume,
hala ni
ilunabar
gris liluratu batean
ematen dut zangoa
tente
Brooklyngo zubian.
Nola
hiri
suntsituan
sartzen den garailea
jirafak adinako
kanoi luzetan
hala
ospez hordirik
bizi-gose
igaiten naiz
nekez
Brooklyngo zubian.
Nola
pintore inozoak
museoko Madonna
jotzen duen
begi maitekor eta zorrotzez
hala
nik
izarretan ereina
ematen diot begi
New Yorki
Brooklyngo zubitik.
New Yorkek,
ilundu artean astun
eta sargori,
ahantzi egin du
penaz eta alturaz
joa dagoela
eta etxeen arima hutsak
bakarrik
ageri dira
leiho transparenteen distiran.
Honaino
ozta heltzen da
elebeiter-en durundioa.
Durundio leun
honegatik bakarrik
jakiten duzu
trenak
zarataka narrazten direla
inor
baxera
apaletan ipintzen ari balitz bezala.
Eta uste duzunean
errekaren baten iturriñoak direla
azukretaria da
bere zama
dendetaratzen duela,
eta orratz bat adina
ez dira
zubipean iragaiten diren mastak.
Harro nago
burdinazko milia
honetaz
bertan gauzatzen dira
nire amets zaharrak:
egituren
borroka
estiloen kontra,
torlojuen
eta altzairuaren
kalkulu zehatza.
Munduaren azkena
iritsiko balitz
kaosak
hankaz gora jarriko luke
planeta,
orduan ez zen ezer
geldituko
ez bada
zubi hau
hondamenaren errautsen gainetik
oldartua,
orduan
nola
museoan
berrosatzen den
narrazti zutitua
orratzak bezalako
hezur mehez,
hala
mendeen geologoak
zubi honekin
oraingo egunak
osatzea
lortuko luke.
Esanen luke:
- Burdinazko
atzapar honek
itsasoak eta lehorrak
lotzen zituen,
hemendik
Europak
Sartaldera egiten zuen ihes
luma indioak
haizatuz.
Saihets honek
makina bat ekarriko du gogora.
Egizue kontu,
ba ote legoke nahikoa beso
altzairuzko zango bat
Manhattan-en ipinita
Brooklyn
ezpainetik
erakartzeko?
Sokaje elektrikoaren
kirruagatik
dakit:
aroa
baforearen ondokoa da.
Hemen
jendeak
oihu egiten zuen
orduan
irratiz,
hemen
jendeak
hegan egiten zuen
orduan
aerotan.
Hemen
bizitza
lasaia zen zenbaitentzat
beste batzuentzat
gose
ulu luze bat.
Hemendik
langabetuek
Hudson-era
egiten zuten
buruaz beste.
Hemendik
trabarik gabe
eho liteke aroaren ikuskizuna,
hemendik
hari-unametarik
izarren oinetara hel liteke.
Ikusten dut
hemen
egon zela Maiakovski
hementxe
silabaka, bertsoak egin zituela.
Behatzen dut
eskimal batek trenari
behatzen dion bezala
begi-atxikitzen natzaio
kaparra belarriari
atxikitzen zaion bezala.
Brooklyngo zubia,
bai...
hau da hau!