EUROPAR KATEDRALOK

Europar katedraletako dorren orratzok.

Zelako lerde pozointsua

zaineratu diguten zeutan zehar

mendeetan eta mendeetan...

Europar katedraletako arkupetok

Zenbat izu lazgarrik

izan duen aterpe

zeuetan mendeetan eta mendeetan...

Europar katedraletako plazok.

Zenbat suk kiskalkorrek

suntsitu ote dituen gure erraiak

mendeetan eta mendeetan...

Europar katedralok.

Zeuek erorita ere

geuregan iraunen

per sekula sekulorum

(zeuen jainkoaren

izenean eragindako)

gorrotoak

eta mendekuminak.

        Amen.