FRIEDRIADA. Filosofia eta filologia egitearen kontzeptua bortizki aldarazi zuen filosofo eta filologo germaniar handi baten bizitzaren historia poetikoa.

FRIEDRIADA, I. KANTUA:
URBEGIA - ERREKASTOA

(Doinu alai batetan )

Hemen zaitut,

bapatean zaitut,

txiki eta gris

hasieran,

inguruarekiko

mimetismoan serio - serio

murgildurik.

Hemen nauzue,

germaniarron

semeok,

harro nauzue

kunte polnisch

noble baten

ondorengo

garbi.

«Ixilean urtetzeko ziguten

erran, eta ni ixilean urten»

Artalde honetara

zara etorria

desoreka

ereiten,

anabasa ereikitzen

eta jainkoen

arteko

borroka

berpiztera.

Etorria naiz

ehunmilagarren

birarekin bat

indibidualtasunetik —indibidualtasun

etik, bai—

artalzaleei

ikasgaia ematera.

«Ni ez naiz, ama, artzain

joango, desartzain baino»