Gizaeuropa
Gizaeuropa
1986, poesia
96 orrialde
84-398-7163-5
azala: Heuses
Edorta Jimenez
1953, Mundaka
 
2010, poesia
2006, kronika
2003, nobela
2003, saiakera
2001, poesia
1993, nobela
1991, nobela
1990, ipuinak
1987, poesia
1986, poesia
1985, poesia
Joseba Urizar
1964, Elorrio
 
 

 

Nik neuk, Vladimir Ilich Ulianov,

goizaldeko bost'erdietan termometroko

merkurioak zeropeko hamalaugarren

marra inguruan balalaika jotzen

ari delarik, zera adierazten dut:

Primeran nagoela hemen, zaindariokin

solasean, oso gustora, urrundik ere

ez naizela partidu sozialdemokrataren

partaide, bai zera, ez dudala nik

langileen artean propagandarik hedatu,

beste zeregiterik ez daukat eta,

 

etxean ageritako panfletoak egibitartekoak

biltzeko baino ez ditudala erabili.

Bota zaizkidan beste galderetaz, zera,

nik ez dakidala nor kristo den Zaparotetz

famatu hori, eta nahiago nukeela oro har

asuntu ilun hau ahantzea, eta hor konpon,

Mari Anton. Baita ni ez naizela ni

naizena ere, bera dena baino, eta etxe

bedeinkatu honetan, Jaungoikoak gorde

beza, inork ez didala eskua gorputz

gainean jarri, alafedea.

 

ULIANOVen DEKLARAZIOA

 

Polizia zaristak atxilotua izan zelarik, Leninek egin izan zezakeen deklarazio xelebrea.