Hiltzea

etxe ezezagunean

lanpara bat piztea izango da.

Arnaldo Calveyra

Berriz ernalduko dira ipurtargiak

eta, kantu herrikoi bat nola,

ustezko geure etxe bakoitzean

ezezagun berriak agertuko dira

eta nola ba ez diezu harrera egingo!

Nola ez diezu harrera egingo!

Nahiz eta…

hiltzea izango den

etxe ezezagunean

lanpara bat piztea.

Nola ez ba,

gurasorik gabeko haurrari

lotarako muxua ematea bada,

nekatuta etxeratu berri den bikotekideari

manta luzatzea bada.

Argiari begiratu nahi

eta orduan beste norbaiti argia itzaltzea,

baina beti pentsatuaz

agian norbaitek loaren beharra duela.

Nonbaiten.