ZURE JENDEA

Juliani

Gertukoegia ere ez zara izan

eta badakit premia larririk banu

zuen etxeko atea joko nukeela

gertuagoko askorena baino lehen

hori pentsatu dut hil zarela jakitean

—beste ezerk baino gehiago esan dit—.

Asko batu gara beilatokian,

ez dut kasik inor ezagutu

eta izan du ederretik, dena den:

gu izan gara zure jendea.

Itzuleran lanbroa,

industrialdearen argi herdoila bidean.