Keinu konplizeak
Keinu konplizeak
2018, poesia
88 orrialde
978-84-17051-12-9
azaleko irudia: Kepa Gonzalez
egilearen argazkia: Dani Blanco
Karlos Cid Abasolo
1963, Madril
 
 

 

DARDARKA

 

 

Dardarka ari haiz, eskimalen errege,

espantuzko harkaitz izoztutik ikusten haut

negarrontzi baten lemazain, eskimal.

 

Urtaroen izenak apuntatu hituen kaier polarraz,

ez dagoena aurrena idazten duena baita asmatzaile,

ez dagoena idaztearen abiadan funtsatzen baita

edozein asmakari.

 

Apuntatze hutsetik sortuko balitz bederen

irrikatzen dena, eskimal.

 

Baina ez.

 

Dardara betiereko kondena zaik suertatu,

jaiotzetiko patu saihetsezin,

eskimal.