Erlojuen mekanika
Erlojuen mekanika
2007, poesia
96 orrialde
978-84-95511-99-7
azala: Xabier Gantzarain
Jose Luis Otamendi
1959, Azpeitia
 
2022, poesia
2019, poesia
2014, poesia
2000, poesia
1999, narrazioak
1995, poesia
1990, poesia
1987, poesia
 

 

GARAILEEN LEINUA

 

hogeitaka belaunaldiren ekinaren fruitu da

arnasa hartze hau

etengabe hobetutako teknikaren emaitza:

bertan dira erretenetako urak eta zakarrak

itsasargiek ontzi ikusezinei egin seinale galduak

urteetako gimnastika bortxatua

biriken errutina pausatuari men egiten

 

arnasa hartu dut berariaz

zoru honen gainean oina tinkatutako

mila jenderen ibilera dakart nirean

joan den neguan ezpaldu zuten

azken aurreko genealogi arbolan

herri torturatuak daude eskuan aihotzekin

gu ohe hotzetan loak noiz hartuko

 

barruko arnasa hau

itota hil zen ezezagun batek

eman dit ondorengotzan

gure aldi durduzatu honen aldera...

ispilu aurrean orraztu eta

banator bigarrenez mundura:

gaur ere bizien artean izendatu naute