Erlojuen mekanika
Erlojuen mekanika
2007, poesia
96 orrialde
978-84-95511-99-7
azala: Xabier Gantzarain
Jose Luis Otamendi
1959, Azpeitia
 
2022, poesia
2019, poesia
2014, poesia
2000, poesia
1999, narrazioak
1995, poesia
1990, poesia
1987, poesia
 

 

PAPEREZKO ORRIAK

 

paperezko orriak pasatzen ditut:

orri bat egun bat

orri bat joandako lagun bat

eta denboraren nekea sumatzen dut

zubiei itsatsia errepideari zuhaitzen gerriari

begikotasun honek bere zaharrean

beroki tupituen ukitua du

eta zirkin egiten du batzuetan

azken natural baten beldur balitz bezala

 

ez dakit zilegi den edo bestelako auzia den

hiltzeko beldurra izatea

agintari on eta txarrik gabe betiko gelditzea

eguneroko gauzei agur esatea

irriak patriketan gorde eta zu ez ikustea...

orriak amaitzen zaizkit

eta berriro hastapenera itzuli eta

ekiten diot papera esku artean maizteari

ikara-antzean

 

orri bat egun bat

orri bat joandako lagun bat

(eta hemen idatzita utzi arren

pendiz honi galga nola jarri ez dakit)