Harri eta Herri
Harri eta Herri
2000, poesia
192 orrialde
84-95511-40-1
azala: Garbiņe Ubeda
Gabriel Aresti
1933, Bilbo
1975, Bilbo
 
2000, poesia
1986, poesia
1986, poesia
1986, poesia
1986, poesia
1986, poesia
1986, narratiba
1986, antzerkia
1986, poesia
1986, narratiba/antzerkia
1986, saiakera
1986, denetarik
 

Esku beteka biltzen dut egia

aldamenean dauden gauzetatikan:

Arrosa

eta haren bost orriak,

krabelina

eta haren hamabiak;

eguneroko iratzartorduan

nire gelako leihoan

agertzen den

lehen eguzki printz iluna,

eta gaur eguerdian

Indautxuko plazan

neskatxa batek zuen

hulahupia.

 

Gizonen ahotik ez;

handik eztut egiarik biltzen.

Handik

iraina,

atzipea

eta enganamentua

dut biltzen.

Beraz,

gizonen ahoa tapatzen dut,

gauzak erakusten dizkiet

hola

gizonaren semeagandik

ikus dezaten

posible dela

oraindik

pizka bat

deskonponketa honi

nolabait

erremedioren bat

bilatzea.