Poesia kaiera
Poesia kaiera
2000, poesia
64 orrialde
84-95511-16-9
Jose Luis Otamendi
1959, Azpeitia
 
2022, poesia
2019, poesia
2014, poesia
2007, poesia
1999, narrazioak
1995, poesia
1990, poesia
1987, poesia
 

gogoratuko duzu heriotzak zuen masaila horia

gelako itzal ketsuan

agurea eta amona aulki marroietan

betebeharrekin jarrita

 

korridorean zoru freskoa

pauso ahul batzuen azpitik

eta negar pixka bat isilik

haurraren bideak leuntzen

 

bi koadrotan arbasoak

denbora hatzetan balego bezala

eta behakoak horman erailak

edo ezpain gorrien puzturan

 

jendetza triste marmarka

besarkadak eta intsentsua

pertsonen joateaz solasa

eta bihotzean gorde ezin lurpera zeramaten kaxa

 

eskaileretan beherantz baldar

karreran

kalean

airean

 

geldiro kanpaiak

haurtzaroa iheska

arropa beltz haiek

eta atea itxi zuteneko danbada

 

w 1987