[Hik ez ditun ezagutzen muinoak]

Hik ez ditun ezagutzen muinoak,

han non barreiatu den odola.

Guk guziok egin geninan ihes

guk guziok jaurti genitinan

arma eta izena. Andrazko batek

begiratzen zionan gure ihesari.

Gutariko bakar bat

gelditu zunan ukabila hertsirik,

zerua hutsik ikusiz,

burua makurtu eta hil egin zunan

harresipean, isilik.

Orain odolezko trapua dun

eta haren izena soilik. Andrazko batek

muinoetan itxaroten gaitin.