Poesia kaiera
Poesia kaiera
Emily Dickinson
itzulpena: Angel Erro
2014, poesia
64 orrialde
978-84-92468-60-7
Emily Dickinson
1830-1886
 
 

 

1593 (1618)

 

Haizea Turuta baten moduan heldu zen —

Dardaraz Belarraren artean

Eta Beroaren gainetik Brisa Berde bat

Hain adur txarrekoa pasa zen

Ateak eta leihoak trangatu genituela

Mamu esmeralda baten beldur bezala —

Hondamenaren Mokasin elektrikoa

Une horretantxe igaro zen —

Eta alde egin zuen Arbola aztoratuen

Eta Burdin Hesien Andana bitxi batean —

Egun hura — bizi izan zutenek

Ibaietan ikusi zituzten Etxeak lasterka —

Ezkilak bridarik gabe kanpandorrean

Albiste hegalariok aldarrikatzen ditu —

Zenbat etor daitekeen

Eta zenbat joan

Eta halere Munduak jarraitu!