Poesia kaiera
Poesia kaiera
2000, poesia
64 orrialde
84-95511-16-9
Jose Luis Otamendi
1959, Azpeitia
 
2022, poesia
2019, poesia
2014, poesia
2007, poesia
1999, narrazioak
1995, poesia
1990, poesia
1987, poesia
 

Errusiako estepetan aurki zaitzaket biluzik

haize hotzaren besoek kolpatua

lastozkoak bailiran zure soinadarrak

eta adatsa

 

honantzago bilatu nahi zaitut

tximinia herdoilduak eta

mendiko harkaitzak

kaio higatuak lekuko direla 

maitasuna ez baita gaua izendatzea

gauean sartuta ilunpea izatea baino

ez baita arrosa biltzea

heriotza urez oinaze apaina bihurtzea

nik hemen nahi zaitut

ene eskuen dardara artean zarena

orduen mugetan hara eta hona kontrabandista trebea

nik hemen ukitu

sutsuki desiratzen zaitut

nik hemen maitale hondogabea behar dut

 

w 1987