Poesia kaiera
Poesia kaiera
2000, poesia
64 orrialde
84-95511-02-9
Xabier Iratzeder
1920, Donibane Lohizune
2008, Beloke
 
 

Bihotzak hala nahian...

Bihotzak hala nahian

zergatik ari naizen,

lan-arte bat dutanean

euskal pertsu ontzen?

 

Otoitz-gizon izaki-ta

zergatik ez naiz hasten,

ainitzez hobe baita,

Jaunari mintzatzen?

 

Zergatik ari naizen

euskal pertsu ontzen?

 

Nolaz nik egin pertsurik

ez bada otoitzean?

Nolaz nik otoitz kartsurik

ez bada pertsutan?

 

Bai, traba egin dezoke

pertsuak otoitzari;

maizago lagun zaioke,

hegala iduri.

 

Zergatik ari naizen

euskal pertsu ontzen?

 

Pertsutan urtu bihotza

otoitzik otoitzena.

Zerurat doan otoitza

pertsurik pertsuena.

 

w1977