Bildumaren zerrendara itzuli

LIBURUARI BURUZKO
KRITIKAK
EROSI LIBURUA
E-BOOK FORMATUAN
AZALA

 


 

HARAINDI

 

Hemen basazkoa da denbora,

barakuiluen ibiliaren modukoa.

Hemen miopeak gara denok,

errepublika berririk

eraikitzeko asmorik gabe nabil,

ni ez naiz Robinson Crusoe

eta burusoilegia naiz Ostiral izateko.

Hemen ez naiz erreboltaz oldartzen

gauero atea ixten didaten polizien kontra,

nahiago dut koldar jokatzen jarraitu,

nahiago dut begi bustiak eskuetan bildu eta

poltsan sartu didazun trikotarekin itsasoa sikatu,

barakuiluek paretak laztantzen dituzten bezala.

Hemen gatibatuta gauzkaten paretez haraindi

jaurtitzen ditugu paperezko hegazkin zuriak,

mailuak dunbaka, betazal hertsietan lur-hartzeko.

Hemen gatibu gauzkaten sarrailen zuloetatik

arnas hartzen jarraitzeko.

 

 

 

© cc-by-sa Mikel Etxaburu

 


www.susa-literatura.eus