Susa-ko liburuak

TXIZAREN HOTSA

Ohetik altxatu eta

zigarro bat isiotu nuen

leihoaren ondoan,

ibai gainean hegan zebiltzan kaioei begira.

Bera komunean zegoen,

isilik,

eta entzun nuen

zelan egiten zuen txiza,

txortan hasi eta ordu laurden bateko astinaldi bat

amaitu ostean,

ordu laurden bateko astinaldi arin, isil eta lar hotz bat

amaitu ostean.

Zigarroari zupada luze pare bat eman eta

komuneko zisterna zelan husten zen

entzutearekin batera

ulertu nuen

dena amaitua zela.