• Ez da iraganmina, lagunok
• Nora deika?
• Infernutik azken irribarrea
• Aberkideak
• Botilaren bihurguneak
• Leherketak
• Las Cortes
• Udazkena
• 1. gutuna Arestiri
• Amodioa eta txakolina
• La Najako arkupeetan
• Haiku maiku
• Ginebraren besoetan
• Pantera emea
• Pasabide hutsak dituzu kaleok
• Kolpe baten indarra
• Boxeolaria
• Ahots epelaren bila
• Frankotiradorea
• Umore beltzeko paisaia
• Kontainer ondoan
• 2. gutuna Arestiri
• Morfina
• Herriminari gerra
• Raggamuffin erritmoan
• Gasolindegian
• 3 koñak underground
• Kondoiaren zaporea
• Paradisuak
• Eta bat ginen
• Zubi azpian
• Hiri hau
• Marmokak
• Ziur egon zaitezte
• Auzoko jonki hori
• Ni naiz Charlie Donnelly
• Porrotaren tabernan
• Goizaldeko pornoa
• Kaioak
• Zuhaitz artean
• Hau ez dok Brixton
• Espero ez zuena
• Maggie
• Bero apur bat
• Begira egiozu gizon horri
• Ezer gertatu ez balitz bezala
• Aldapan behera
• Txizaren hotsa

 

LA NAJAKO ARKUPEETAN

 

La Najako arkupeetan,

rastroa egiten zen arkupeetan,

koltxoi zahar, zikin, urratu eta zulatuak,

eta jonkiak eta etxebakoak,

eta mozkorrak eta gerobakoak,

batzuk isilik, mutu,

garrasika beste batzuk,

batzuk hilak baino lasaiago,

beste batzuk, berriz, dardaraka,

zementuzko zoru hotzetik

nekez altxatu,

nekez pauso batzuk eman

eta berriro nekez etzaten direnak.

 

Eta kaioak itzulinguruka,

euren gainean zalantzan,

mokoka hasiko ote zaizkien

azokatik botatako arrain ustelduei

ala La Najako arkupe horietan

biltzen diren giza hondarrei.

 

Ohol kraskatuak itsasadarrean,

mareak dantzan ibilitakoak,

ez dira auskalo nongo kostetan

naufragatutako ontziren batenak,

hori poeta ezin itsuago batek baino ez luke ikusiko.

 

Itsasadarreko ur lohia

La Najako arkupe horietan

biltzen diren giza hondarren ispilu bihurtua.

 

No future! ez da batzuentzat modaz pasa.

Herioski bidaia agentziak

doan antolatzen du

La Najako arkupeetan biltzen diren

giza hondarren patua.

 

 

© Paddy Rekalde

 

www.susa-literatura.eus